გამაოგნებელი გაცვლა - საკალათბურთო სამყარო შოკშია

NBA-ს ინსაიდერი ჟურნალისტის, შამს ჩარანიას ინფორმაციით, დალას მავერიქსი და ლოს ანჯელეს ლეიკერსი ლუკა დონჩიჩსა და ენტონი დევისს ცვლიან.

გაცვლაში 3 გუნდია ჩართული და მისი სრული დეტალები ასეთია.

ლეიკერსი იღებს - ლუკა დონჩიჩს, მაქსი კლებერსა და მარკიფ მორისს

დალასი იღებს - ენტონი დევისს, მაქს კრისტისა და 2029 წლის დრაფტის პირველი რაუნდის არჩევანს.

იუტა იღებს - ჯეილენ ჰუდ-სკიფინოსა და 2025 წლის დრაფტის მე-2 რაუნდის ორ არჩევანს.

წყაროს ცნობით, მავერიქსი თავად დაუკავშირდა ლეიკერსს და ლუკა დონჩიჩი შესთავაზა. ლოს ანჯელესში სჯერათ, რომ 25 წლის სლოვენიელი ფრენჩაიზის სახე გახდება მომავალი ათწლეულის განმავლობაში.

ჩარანია ასევე ამბობს, რომ ეს გაცვლა კულისებს მიღმა მომზადდა და არც ლებრონ ჯეიმსს, არც ენტონი დევისსა და არც ლუკა დონჩიჩს ამაზე წარმოდგენა არ ჰქონდათ.

აღნიშნულმა გაცვლამ საკალათბურთო სამყაროში სრული შოკი გამოიწვია.