"გასაკვირი არაა, რომ მოურინიომ შენზე ეს თქვა" - ეგვიპტელი ფეხბურთელი კარაგერს

ეგვიპტელმა ფეხბურთელმა აჰმედ ელმოჰამადიმ ჯეიმი კარაგერს პასუხი გასცა.

„კარგი, ჯეიმი, შენ სირცხვილი ხარ. სალაჰმა მთლიანად თავიდან დაწერა თავისი ისტორია მძიმე შრომით, თავმდაბლობით და მსოფლიო დონის გამოსვლებით.

ის „ჩელსიში არ ჩაფლავებულა“. მას არასოდეს მიუღია რეალური შანსი. ის წავიდა იტალიაში, თავიდან დაიწყო ყველაფერი, შემდეგ მივიდა ლივერპულში და გახდა: პრემიერლიგის ლეგენდა, ეგვიპტის ყველა დროის საუკეთესო ფეხბურთელი და თავისი თაობის ერთ-ერთი ყველაზე სტაბილური ფორვარდი.

სალაჰმა წლებია ლიდერობს ეგვიპტეს და ორჯერ გაიყვანა ქვეყანა მსოფლიო ჩემპიონატზე ხანგრძლივი პაუზის შემდეგ. სალაჰმა ყველაფერი დაიმსახურა.

არ არის გასაკვირი, რომ კრიშტიანუ რონალდუმ და მესიმ გაგაკრიტიკეს. არც ის არის გასაკვირი, რომ მოურინიომ შენზე თქვა, რომ საშუალო დონეზეც კი არ იყავი და პრემიერლიგის 1,000 საუკეთესო მცველშიც არ შედიოდი.” - წერს ელმოჰამადი.

აჰმედ ელმოჰამადის ეგვიპტის ნაკრებში 92 მატჩი აქვს ჩატარებული. ის სანდერლენდში, ჰალ სიტისა და ასტონ ვილაში თამაშობდა.

"ლივერპულამდე დიდი ვარსკვლავი არ იყავი" - კარაგერის კრიტიკა სალაჰს