გაცვლა ახლოვდება? ანტეტოკუნმპო ახალი გუნდისთვის ემზადება

ESPN-ის ჟურნალისტის, შამს ჩარანიას ცნობით, MVP-ის ტიტულის ორგზის მფლობელი იანის ანტეტოკუმპო ახალი გუნდში გადასასვლელად მზად არის, რადგან რამდენიმე გუნდმა მილუოკი ბაქსს აგრესიული შეთავაზებები უკვე წარუდგინა და კლუბი მათ მოსმენას იწყებს.

წყაროს თქმით, არაერთმა გუნდმა იგრძნო, რომ ბაქსი ანტეტოკუმპოს შეთავაზებების მიმართ ახლა უფრო გახსნილია, ვიდრე ოდესმე.

თუმცა მილუოკიმ დაინტერესებულ გუნდებს აცნობა, რომ ორგანიზაცია გარიგების დადებას არ ჩქარობს და თუ მისი მოთხოვნა (ელიტური ახალგაზრდა ტალანტი და/ან დრაფტის პიკების სიჭარბე) არ დაკმაყოფილდება, მზად არის ანტეტოკუმპოს მომავალს სეზონის დასრულების შემდეგ მიუბრუნდეს.

ზაფხულამდე მოცდით ბაქსს ასევე ექნება შესაძლებლობა ნახოს, რომელი გუნდები შეძლებენ ივნისში უფრო მიმზიდველი დრაფტის პიკების შეთავაზებას.

წყაროს ინფორმაციით, ანტეტოკუმპომ უკვე რამდენიმე თვეა ბაქსს აცნობა, რომ მისი აზრით დადგა დრო, 12 წელზე მეტი ხნის თანამშრომლობის შემდეგ, მათი გზები გაიყოს, რაც ტრანსფერს სულ უფრო რეალურს ხდის.