VIDEO: ბითაძის საუკეთესო მატჩი ამ სეზონში - ორლანდომ მილუოკის მოუგო
1 სთ წინ · 0 წთ წასაკითხად
-
Aa
+
ფონტის ზომა
NBA-ის მორიგ მატჩში ორლანდო მეჯიქი მილუოკი ბაქსს დაუპირისპირდა და 107-99 დაამარცხა.
ამ სეზონში თავისი საუკეთესო მატჩი ჩაატარა გოგა ბითაძემ, რომელმაც 18 წუთში 12 ქულა, 4 მოხსნა და 1 შედეგიანი გადაცემა დააგროვა.
ქართველმა ცენტრმა 5-დან 5 ორქულიანი და 2-დან 2 საჯარიმო ჩააგდო, მისი ეფექტურობა კი +19 იყო. ბითაძემ მიმდინარე სეზონში ერთ მატჩში 10+ ქულა პირველად დააგროვა.
ორლანდოდან საუკეთესო კი ფრანც ვაგნერი იყო, რომელსაც სამმაგ დუბლამდე 1 მოხსნა დააკლდა. გერმანელმა 36 წუთში 35 ქულა, 9 მოხსნა და 12 შედეგიანი გადაცემა მიითვალა.
მეჯიქს 12 მატჩის შემდეგ 5 გამარჯვება აქვს და აღმოსავლეთ კონფერენციაში მე-9 ადგილს იკავებს. მომდევნო მატჩს გუნდი ბოსტონ სელტიკსის წინააღმდეგ გამართავს.
