„გაუგებარი გადაწყვეტილება იყო", — ენცო ფერნანდესი მარესკას გაშვებაზე

ჩელსის ნახევარმცველმა, ენცო ფერნანდესმა განაცხადა, რომ გუნდის ფეხბურთელებისთვის ენცო მარესკას დათხოვნა გაუგებარი აღმოჩნდა.

იტალიელი სპეციალისტი ლონდონური კლუბიდან იანვარში დაითხოვეს, მისი ადგილი კი ლიამ როსენიორმა დაიკავა.

„მეც ვერ გავიგე ეს გადაწყვეტილება. ხანდახან ხდება რაღაცები, რაც ჩვენთვის, ფეხბურთელებისთვის გაუგებარია — ის, თუ როგორ ცდილობს კლუბი სიტუაციის მართვას.

რა თქმა უნდა, მწვრთნელის გაშვება ჩვენთვის დარტყმა იყო, რადგან საკუთარი იდენტობა გვქონდა.

მას ყოველთვის ძალიან მკაფიო სათამაშო მოდელი ჰქონდა, როგორც ვარჯიშებზე, ისე მატჩებში. მისმა გაშვებამ, განსაკუთრებით შუა სეზონში, ძალიან დაგვაზარალა“, – განაცხადა ენცო ფერნანდესმა TUDN-თან ინტერვიუში.