გეიჯი: „თოფურიას ქამრის დაბრუნება გაუჭირდება"

UFC-ის მსუბუქი წონის ახალმა ჩემპიონმა, ჯასტინ გეიჯიმ, ჯო როგანის პოდკასტში თავის ხმაურიან გამარჯვებასა და ილია თოფურიას სამომავლო პერსპექტივებზე ისაუბრა.

წამყვანმა, ჯო როგანმა აღნიშნა, რომ ილიას ამ მარცხის მიუხედავადაც შეუძლია ისტორიაში ერთ-ერთი საუკეთესო მებრძოლის სახელით შევიდეს, რადგან ჯერ მხოლოდ 29 წლისაა.

„ამის შანსი ახლა ძალიან დაბალია. არა იმიტომ, რომ ეს არ შეუძლია, უბრალოდ მე თოფურია მისი მომავალი მეტოქეების თვალში მთლიანად შევცვალე. ახლა მას ნებისმიერ ბრძოლაში უფრო გაუჭირდება, რადგან მეტოქეებს ეცოდინებათ, რომ ის დაუმარცხებელი არ არის, როგორიც აქამდე ეგონათ.

ნებისმიერ ბრძოლაზე მისი მეტოქე გავა აზრით, რომ თოფურიას დამარცხება შეუძლია. იგივე გავუკეთე ტონი ფერგიუსონსაც, მისი ფსიქოლოგია კი არ შემიცვლია, მისი შემდგომი მეტოქეების თვალში შევცვალე, რადგან მებრძოლები ოქტაგონზე სრულიად სხვა განწყობით გადიოდნენ."

როგანი: „საინტერესო მოსაზრებაა, იმიტომ რომ მსგავსი რაღაც დაემართა საუკეთესო წლებში მყოფ მაიკ ტაისონს, ასევე ანდერსონ სილვას, რონდა როუზი..."

გეიჯი: „ახლა მისთვის ორმაგად რთული იქნება, რადგან მოუწევს დაპირისპირება მებრძოლებთან, რომლებსაც მისი აღარ ეშინიათ.

როგორც იწერება, მას თვალბუდის ძვალი ორ ადგილას და ასევე ცხვირი აქვს გატეხილი", - აღნიშნა ამერიკელმა მებრძოლმა.