გიორგი მიქაუტაძის საოცარი სტატისტიკა

ერთა ლიგაზე სომხეთთან 6-1 მოგებულ მატჩში დუბლი შეასრულა გიორგი მიქაუტაძემ, რომელიც საოცარ ფორმაშია.

ლიონის ქართველ თავდამსხმელს ბოლო 4 მატჩში, რომელიც კლუბსა და ნაკრებში ჩაატარა, ბრწყინვალე სტატისტიკა აქვს - 7 გოლი და 5 საგოლე გადაცემა.

მიქაუტაძემ 2-2 გოლი და საგოლე გადაცემა რუმინულ FCSB-სთან მიითვალა ევროპა ლიგაზე, საფრანგეთის ლიგა 1-ში კი ლე ავრთან გოლი და 2 ასისტი ჩაიწერა აქტივში.

სანაკრებო პაუზაზე ჟორჟმა თავის მონაგარს კიდევ 5 საგოლე მოქმედება დაამატა, ერევანში მან სომხეთის ნაკრებს დუბლი შეუსრულა, დინამო არენაზე კი დუბლთან ერთად 1 ასისტიც მიითვალა, რომელიც გოლად გიორგი ჩაკვეტაძემ აქცია.

ამ სტატისტიკასთან ერთად მიქაუტაძე საქართველოს ნაკრების ყველა დროის ბომბარდირთა სიის სათავისკენაც მიიწევს. მას ეროვნულ გუნდში უკვე 20 გოლი დაუგროვდა და შოთა არველაძემდე მხოლოდ 6 გოლი აკლია.

სანიოლი: "მიხარია, რომ მიქაუტაძე ქართველია"