ჯანმრთელობის პრობლემების გამო გამოწვეული იძულებითი და ხანგრძლივი პაუზის შემდეგ, ვეტერანი ქართველი გიორგი შერმადინი ტენერიფეს შემადგენლობას ოფიციალურად დაუბრუნდა.
სეზონისთვის მოსამზადებელ ეტაპზე გამართულ მატჩში ტენერიფემ გრან კანარია ანგარიშით 96:84 დაამარცხა, შერმადინი კი პარკეტზე ერთ-ერთი ყველაზე გამორჩეული მოთამაშე იყო.
ქართველმა კალათბურთელმა მოედანზე სულ 12 წუთი გაატარა, თუმცა ამ პერიოდში გუნდს 14 ქულა და 5 მოხსნა შესძინა. მან თამაშიდან 4 ორქულიანი ჩააგდო და გარდა ამისა, 6-ივე საჯარიმო ზუსტად გამოიყენა.
შეგახსენებთ, რომ მიმდინარე წლის გაზაფხულზე 37 წლის სპორტსმენს გულის არითმია დაუდგინდა, რის გამოც მან ესპანეთის ჩემპიონატის პლეიოფის გადამწყვეტი შეხვედრები გამოტოვა.
