გირასიმ ლევანდოვსკისა და ჰალანდის რეკორდი მოხსნა

უეფას ჩემპიონთა ლიგის 1/4 ფინალური ეტაპის საპასუხო მატჩში დორტმუნდმა სიგნალ იდუნა პარკზე ბარსელონა მიიღო.

მასპინძლებმა ესპანეთში 4-0 მარცხის შემდეგ სახლში 3-1 იმარჯვეს, თუმცა ეს წარმატებისთვის საკმარისი არ აღმოჩნდა.

ბორუსიელთა მხრიდან ჰეთთრიქი შეასრულა სერუ გირასიმ, რომელსაც ჩემპიონთა ლიგის მიმდინარე სეზონში 13 გოლი დაუგროვდა და ბომბარდირთა დავაში ლიდერ რაფინიას გადაუსწრო.

გვინეელმა თავდამსხმელმა რობერტ ლევანდოვსკისა და ერლინგ ჰალანდის რეკორდი მოხსნა და გახდა დორტმუნდის მოთამაშე, რომელსაც ლიგის ერთ გათამაშებაში ყველაზე მეტი გოლი აქვს გატანილი.

გირასი ასევე გახდა პირველი აფრიკელი ფეხბურთელი, რომელმაც ჩემპიონთა ლიგის 1/4 ფინალში ჰეთთრიქი შეასრულა.

VIDEO: დორტმუნდმა გაიბრძოლა - ბარსელონა 1/2 ფინალშია