გოლების წვიმა და ზეიმი დინამო არენაზე - საქართველომ B ლიგაში ადგილი შეინარჩუნა

ერთა ლიგის B დივიზიონში დასარჩენი პლეიოფის საპასუხო მატჩში საქართველოს ნაკრებმა სომხეთი გაანადგურა.

დინამო არენაზე გამართული შეხვედრა 6:1 დასრულდა.

ერთწლიანი პაუზის შემდეგ საშინაო არენაზე დაბრუნებულმა ჩვენმა ნაკრებმა საქმე ნახევარ საათში მოამთავრა - 35-ე წუთისთვის უკვე 5:0-ს ვიგებდით. თავის გამოჩენა მიქაუტაძემ (დუბლი), ჩაკვეტაძემ და კიტეიშვილმა მოახერხეს, კიდევ ერთი გოლი კი ავტოგოლით გავიდა.

მეორე ნახევარში მხოლოდ ორი გოლი ვიხილეთ - 48-ე წუთზე სომხებმა ერთი ბურთი გაქვითეს, შემდეგ კი ხვიჩა კვარაცხელიამაც შეძლო თავისი გოლის გატანა და ტაბლოზე საბოლოო ანგარიში დააფიქსირა.

ამრიგად, ორი მატჩის ჯამში საქართველომ სომხეთს 9:1 მოუგო და B დივიზიონში ადგილი დამაჯერებლად შეინარჩუნა. 

ხვიჩამ 10.0 მიიღო! საქართველო - სომხეთი [ფეხბურთელთა შეფასებები]