ეკო გორგოძემ US Open-ის საკვალიფიკაციო ეტაპზე გამოსვლა დაასრულა.
შესარჩევ ეტაპზე ზედიზედ ორი გამარჯვების შემდეგ, ქართველმა ჩოგბურთელმა გადამწყვეტი მატჩი მსოფლიოს 184-ე ჩოგან ჩეხ გაბრიელა კნუტსონთან წააგო.
ჩეხმა მოთამაშემ პირველ და მეორე სეტში საჭირო დროს ბრეიკი შეასრულა, რასაც გორგოძემ ბოლო მომენტებში ვერაფერი დაუპირისპირა და თამაში 92 წუთში დამთავრდა - 4:6; 4:6.
ეკომ US Open-ის საკვალიფიკაციო ეტაპზე ჯერ პოლონელ კატარჟინა კავას მოუგო, შემდეგ კი - ბერძენ დესპინა პაპამიხაილს.
ტურნირის ძირითად ბადეში მოხვედრის შანსი მხოლოდ ერთ ქართველსღა აქვს - მარიამ ბოლქვაძე გადამწყვეტ ეტაპზე ნიდერლანდელ ანუკ კოვერმანსს ხვდება.
