"გულნატკენი ვარ" - დონარუმა პარი სენ-ჟერმენს დაემშვიდობა

ჯანლუიჯი დონარუმამ ოფიციალური განცხადება გაავრცელა.

"განსაკუთრებულ პარიზელ გულშემატკივრებს,

მოსვლის პირველი დღიდან ყველაფერი გავიღე - მოედანზე და მის მიღმა - რათა ჩემი ადგილი დამემსახურებინა და პარი სენ-ჟერმენის კარი დამეცვა.

სამწუხაროდ, ვიღაცამ გადაწყვიტა, რომ ჯგუფის ნაწილი ვეღარ ვიქნები და გუნდის წარმატებაში მონაწილეობას ვეღარ მივიღებ. იმედგაცრუებული და გულნატკენი ვარ.

იმედია, შესაძლებლობა მექნება, პარკ დე პრენსზე გულშემატკივრებს თვალებში კიდევ ერთხელ ჩავხედო და დავემშვიდობო, როგორც საჭიროა. თუ ასე არ მოხდა, მინდა იცოდეთ, რომ თქვენი მხარდაჭერა ჩემთვის სამყაროს ნიშნავს და ამას არასდროს დავივიწყებ. ყოველთვის ჩემს მეხსიერებაში ვატარებ ყველა ემოციას, მაგიურ ღამეებს და თქვენ, რომლებმაც სახლში მაგრძნობინეთ თავი.

ჩემს გუნდელებს - ჩემს მეორე ოჯახს - მადლობა ყველა ბრძოლისთვის, სიცილისთვის და მომენტისთვის, რომელიც გავიზიარეთ. ყოველთვის ჩემი ძმები იქნებით.

ამ კლუბისთვის თამაში და ამ ქალაქში ცხოვრება უდიდესი პატივი იყო.

მადლობა, პარიზო." - წერს იტალიელი მეკარე.

ჯანლუიჯი დონარუმასა და პარი სენ-ჟერმენის ისტორია დასრულდა. იტალიელი ფრანგულ კლუბს 2021 წელს მილანიდან შეუერთდა და გუნდთან ერთად 4 ლიგა 1, 2 საფრანგეთის თასი, 3 სუპერ თასი და ჩემპიონთა ლიგა მოიგო.

თუ ედერსონი წავა - მანჩესტერ სიტი დონარუმას სიტუაციას აკვირდება