იამალი: "მბაპემ მაისური მთხოვა"

ლამინ იამალმა Marca-სთან საუბარში საიდუმლო გაამხილა:

"კილიან მბაპემ თამაშის შემდეგ ჩემი მაისური მთხოვა."

ესპანეთის ნაკრებმა ევრო 2024-ის 1/2 ფინალში საფრანგეთი დაამარცხა, ახალგაზრდა ვარსკვლავმა კი თავი გამოიჩინა და მაიკ მენიოს კარი შორეული დარტყმით აიღო და ტურნირის ისტორიაში ყველაზე ახალგაზრდა გოლის ავტორი გახდა.

დღეს იამალი 17 წლის გახდა, ხვალ კი ევროპის ჩემპიონატის ფინალში ითამაშებს, სადაც ინგლისის ნაკრებს დაუპირისპირდება და შეეცდება, რომ თავის გუნდს რეკორდული მე-4 ევროს მოგებაში დაეხმაროს.

იამალის ანგარიშზე მიმდინარე ტურნირზე 1 გოლთან ერთად 3 საგოლე გადაცემაცაა.