იანიკ სინერი კორტზე გამარჯვებით დაბრუნდა

დოპინგ-სკანდალისა და 3-თვიანი დისკვალიფიკაციის შემდეგ, ჩოგბურთის მსოფლიო რეიტინგის ლიდერი იანიკ სინერი კორტს რომის მასტერსზე დაუბრუნდა.

მისი მეტოქე დაბრუნების შემდეგ პირველ მატჩში არგენტინელი მარიანო ნავონე იყო, რომელიც იანიკმა 1 საათსა და 39 წუთში 6:3 6:4 დაამარცხა.

შემდეგ მატჩში სინერის მეტოქე ნიდერლანდელი იასპერ დე იონგი იქნება, რომელმაც ესპანელი დავიდოვიჩ ფოკინა 6:0 6:2 დაამარცხა.

დღევანდელ მატჩამდე თავისი უკანასკნელი თამაში იანიკ სინერს ავსტრალიის ღია პირველობის ფინალში, იანვარში ჰქონდა ჩატარებული, როცა მან ალექს ზვერევი დაამარცხა და ტიტულს დაეუფლა.