"იანთან დეკემბერში ჩხუბი კარგი იქნებოდა" - დვალიშვილი ბრძოლის შემდეგ

კორი სენდჰეგენის დამარცხებისა და საჩემპიონო ქამრის მესამედ დაცვის შემდეგ, მერაბ დვალიშვილს მომდევნო მეტოქის შესახებ ჰკითხეს.

პუბლიკისთვის გასაკვირი არ ყოფილა, რომ მანქანამ პიოტრ იანთან კიდევ ერთხელ ბრძოლის სურვილი გამოთქვა.

„ვფიქრობ, პიოტრ იანთან ჩხუბი კარგი ვარიანტი იქნებოდა. ის მზადაა და მე ყოველთვის ვამბობ, რომ მინდა დაკავებული ვიყო. თუ დეკემბერში ადგილი გექნებათ, ამას ჩემს გეგმებში სიამოვნებით შევიტანდი", - აღნიშნა დვალიშვილმა.

თავის მხრივ, იანს მერაბთან რევანშის სურვილი რომ აქვს, ესეც ძველი ამბავია. ბოლო თვეებში რუსი აქცენტირებს, რომ დვალიშვილი დაუმარცხებელი არაა და თუკი შანსი მიეცემა, ამის გაკეთება მას შეუძლია.

დვალიშვილი და იანი ერთმანეთს 2023 წლის 11 მარტს შეხვდნენ - ქართველმა რუსს მსაჯების გადაწყვეტილებით მოუგო. იანი მას შემდეგ ოქტაგონზე 3-ჯერ გამოვიდა და სამივე ბრძოლა მოიგო - იანდონთან, ფიგეირედოსთან და მაკგისთან.

პიოტრს UFC-ში 19 გამარჯვება და 5 მარცხი აქვს, მერაბის ბალანსი კი 21:4-ზეა.