საქართველოს ეროვნულ ლიგაში მე-7 ტურის მატჩები გაიმართა და იბერია 1999-მა ლიდერობა განიმტკიცა.
მოქმედმა 2-გზის ჩემპიონმა ბათუმში, იქაურ დინამოსთან, ღუდუშაურის, ჯინჯოლავასა და ძაგანიას გოლებით, 3:0 გაიმარჯვა და უახლოეს მდევრებთან სხვაობა 3 ქულამდე გაზარდა.
აი, იბერიელთა უახლოესმა მდევრებმა კი ერთმანეთში ფრედ ითამაშეს - გია ცეცაძის რუსთავი სპაერს სტუმრად ამარცხებდა, თუმცა თბილისელებმა გათანაბრება და ქულის აღება შეძლეს.
თავიანთი მატჩები ვერ მოიგეს დინამო თბილისმა და ტორპედომ, ხოლო გორის დილამ წყალტუბოში, სამგურალს მინიმალური სხვაობით აჯობა.
1. იბერია (თბილისი) - 14 ქულა;
2. სპაერი (თბილისი) - 11 ქულა;
3. რუსთავი (რუსთავი) - 11 ქულა;
4. დილა (გორი) - 10 ქულა;
5. ტორპედო (ქუთაისი) - 8 ქულა;
6. დინამო (თბილისი) - 8 ქულა;
7. მეშახტე (ტყიბული) - 8 ქულა;
8. სამგურალი (წყალტუბო) - 8 ქულა;
9. დინამო (ბათუმი) - 7 ქულა;
10. გაგრა (თბილისი) - 6 ქულა.
ბომბარდირთა დავას, 4 გოლით, რუსთავის ფორვარდი ჟანი ლიდერობს, 3-3 გოლი აქვთ სპაერისა და იბერიას მარცხენა მცველებს - გიგა სამხარაძესა და გიორგი ჯინჯოლავას (ორივე მათგანმა ყველა გოლი პენალტიდან შეაგდო).
მომდევნო ტურის მატჩები 25-27 აპრილს გაიმართება და პირველ ოთხ პოზიციაზე მყოფი გუნდები ერთმანეთს შეხვდებიან: რუსთავი იბერიას უმასპინძლებს, ხოლო სპაერი - დილას.
