შვედეთის ნაკრების ყოფილმა ფორვარდმა, ზლატან იბრაჰიმოვიჩმა Fox Sports-ის ეთერში ინგლისის ნაკრების მთავარი მწვრთნელი თომას ტუხელი, სასტარტოში ნონი მადუეკეს დაყენების გამო გააკრიტიკა.
ტუხელმა პირველი ტაიმის შემდეგ მადუეკე და დეკლან რაისი შეცვალა, მოედანზე კი ბუკაიო საკა და ებერეჩი ეზე შემოიყვანა.
„წყლის შესვენებამ სიტუაცია ცოტათი შეცვალა, რადგან ჯუდ ბელინგემი ინგლისის ნაკრებში ყველაზე აქტიური იყო.
თუმცა, ვფიქრობ, სანამ მადუეკე მოედანზე იმყოფებოდა, ინგლისი თითქოს კაცნაკლული თამაშობდა. უნდა ვთქვა, რომ ყოველ ჯერზე, როდესაც ის ბურთს იღებდა, მცდარ გადაწყვეტილებებს იღებდა და მოედანზე უბრალოდ ფეხით დადიოდა.
მას წყლის შესვენებაც კი არ დაეხმარა. ის ადრეც თამაშობდა, მაგრამ ყოველ მატჩში სასტარტოში არ ყოფილა, ასე რომ, ინგლისმა შეხვედრა ფაქტობრივად უმცირესობაში დაიწყო“, - განაცხადა იბრაჰიმოვიჩმა.
