ილდიზმა იუვენტუსს ორი მოთხოვნა წაუყენა

კენან ილდიზმა იუვენტუსთან კონტრაქტის გახანგრძლივების ორი პირობა დაასახელა.

თურქ ნახევარმცველს სურს, რომ გუნდში ყველაზე მაღალანაზღაურებადი ფეხბურთელი გახდეს.

La Gazzetta dello Sport-ის ინფორმაციით, 2029 წელს ამოწურვადი კონტრაქტის გახანგრძლივებაზე მოლაპარაკებებისას ილდიზი წელიწადში არანაკლებ 6 მილიონ ევროს ითხოვს — იმავე თანხას, რასაც გუნდის თავდამსხმელი ჯონათან დევიდი იღებს. მოქმედი ხელშეკრულებით კენანი წელიწადში 1.7 მილიონ ევროს გამოიმუშავებს, ხოლო კლუბმა მას ბონუსების ჩათვლით სეზონში 4-5 მილიონი ევრო შესთავაზა.

გარდა ამისა, ილდიზს სჭირდება გარანტიები კლუბის სამომავლო პროექტთან დაკავშირებით — ფეხბურთელს სურს, იყოს გუნდის საკვანძო ფიგურა, რომელსაც შეეძლება ტიტულების მოგება როგორც იტალიაში, ისე ევროტურნირებზე.

ამასთან, 20 წლის ნახევარმცველის გარშემო არსებულ ვითარებას ყურადღებით აკვირდებიან რეალი და პრემიერ ლიგის რამდენიმე ტოპ-კლუბი, მათ შორის ჩელსიც.