,,იმედია, ოქროს ბურთს მათაც მივუძღვნი" - ვის ემადლიერება მბაპე?

კილიან მბაპეს იმედი აქვს, რომ ოქროს ბურთის მოგების შემთხვევაში ჯილდოს აფრიკის კონტინენტსაც მიუძღვნის.

„ყოველთვის აფრიკული კულტურის ძლიერი გავლენით ვიზრდებოდი, მიუხედავად იმისა, რომ საფრანგეთში დავიბადე და მთელი ჩემი ცხოვრება და კარიერა საფრანგეთს უკავშირდება.

მე არასდროს გამიწყვეტია კავშირი ჩემს ფესვებთან და წარმომავლობასთან. ეს იმ ღირებულებების ნაწილია, რომლებიც ბავშვობიდან ჩამინერგეს.

არც ისე დიდი ხნის წინ კამერუნში ვიყავი. ბავშვობაშიც ხშირად ჩავდიოდი იქ და შესანიშნავი დრო გავატარე. ყოველთვის, როცა აფრიკაში ჩავდივარ, ძალიან თბილად მხვდებიან და ხალხის სიყვარულს ვგრძნობ.

რა გზავნილი მაქვს ოქროს ბურთის აფრიკელი ამომრჩევლებისთვის?

უპირველესად, მინდა მადლობა გადავუხადო იმ მხარდაჭერისთვის, რომელსაც მთელი ამ წლების განმავლობაში ვგრძნობდი. ყოველთვის, როცა აფრიკის კონტინენტზე ფეხი დამიდგამს, ხალხისგან უდიდეს სიყვარულს ვგრძნობდი.

ვფიქრობ, რადგან აფრიკული ფესვები მაქვს, ყოველთვის სასიამოვნოა, როდესაც ხალხი ჩემს სახელს ოქროს ბურთს უკავშირებს.

ყველაფრისთვის მადლობას ვუხდი მათ და იმედი მაქვს, რომ ოქროს ბურთის მოგებას შევძლებ და, ამა თუ იმ ფორმით, ამ ჯილდოს მათაც მივუძღვნი.“ - განაცხადა მბაპემ RFI-სთან საუბარში.

2026 წლის ოქროს ბურთის გამარჯვებული 26 ოქტომბერს ლონდონში გამოვლინდება.