ინგლისის ნაკრების მთავარ მწვრთნელს, თომას ტუხელს, არგენტინასთან მსოფლიო ჩემპიონატის ნახევარფინალური მატჩის წინ მნიშვნელოვანად გაძლიერდა.
ნორვეგიასთან გამარჯვების შემდეგ, გუნდის ოთხი მნიშვნელოვანი ფეხბურთელი – მარკ გეჰი, ჯუდ ბელინგემი, ნიკო ო’რაილი და დეკლან რაისი არგენტინასთან მატჩისთვის სრულ მზადყოფნაში არიან, რადგან მათ თავიდან აიცილეს ყვითელი ბარათების გამო მიღებული დისკვალიფიკაცია.
ფიფას წესების თანახმად, მოთამაშეები, რომლებიც მსგავს სიტუაციაში იყვნენ, ნახევარფინალში მონაწილეობას შეძლებენ, რადგან ყვითელი ბარათების ათვლა მეოთხედფინალის შემდეგ განულდა.
გუნდის მდგომარეობასთან დაკავშირებით დადებითი სიახლეებია სხვა პოზიციებზეც. დეკლან რაისი, რომელიც ნორვეგიასთან მატჩის წინ ავადმყოფობდა, მზადაა სათამაშოდ. ასევე, მწყობრშია რის ჯეიმსი, რომელმაც ნორვეგიასთან შეცვლაზე ითამაშა და ტრავმის შემდეგ მოედანს დაუბრუნდა.
რაც შეეხება ეზრი კონსას, რომელმაც ნორვეგიასთან მატჩი ნაადრევად დაასრულა, დადასტურდა, რომ ეს კუნთოვანი დაზიანება არ არის და ისიც მზად იქნება ოთხშაბათისთვის.
ერთადერთი საკადრო დანაკლისი ჯარელ კუანსაა, რომელსაც მექსიკასთან პირდაპირი წითელი ბარათის გამო ორმატჩიანი დისკვალიფიკაცია აქვს და ის მხოლოდ ფინალში გასვლის შემთხვევაში იქნება ხელმისაწვდომი.
