ესპანური Marca-ს ჟურნალისტ მატეო მორეტოს ცნობით, ნოტინგემ ფორესტს გიორგი მამარდაშვილის შეძენა სურს.
საშა ტავოლიერის ინფორმაციით კი, ლივერპულმა გიორგი მამარდაშვილის შესაძლო შემცვლელად ლუკა ბრიუგმანსი შეარჩია.
18 წლის ბელგიელი მეკარე, რომელიც ასევე მიუნხენის ბაიერნის ინტერესთა სფეროშია, ლივერპულს თავისი სამომავლო პოტენციალით ხიბლავს.
მერსისაიდელები 2-მეტრიანი მეკარის შესაძლებლობებში დარწმუნებულები არიან და მოლაპარაკებები უკვე მიმდინარეობს.
ფაბრიციო რომანო ლივერპულის, გიორგი მამარდაშვილისა და ლუკა ბრიუგმანსის შესახებ:
,,ლივერპული 18 წლის ბელგიელი მეკარის, ლუკა ბრიუგმანსის ტრანსფერთან დაკავშირებით გენკს ოფიციალურად დაუკავშირდა. ბრიუგმანსი ერთ-ერთ გამორჩეულ გრძელვადიან პერსპექტივად მიიჩნევა.
ეს უფრო მომავლისთვის გათვლილი ტრანსფერი იქნება და არა ფეხბურთელის დაუყოვნებლივ ძირითად გუნდში დასამატებლად.
გარიგება შესაძლოა უფრო აქტუალური გახდეს, თუ გიორგი მამარდაშვილი ნოტინგემ ფორესტში გადავა. ფორესტი უკვე გამოვიდა კონტაქტზე, თუმცა ამ ეტაპზე შეთანხმება მიღწეული არ არის და მოლაპარაკებებიც ჯერ მოწინავე სტადიაზე არ გადასულა.
ლივერპულში ბრიუგმანსს უფრო სამომავლო პერსპექტივისთვის განკუთვნილ ფეხბურთელად განიხილავენ, ვიდრე მეკარედ, რომელიც გუნდს ახლავე უნდა დაეხმაროს."
ქართველ მეკარეს მერსისაიდულ კლუბთან კონტრაქტი 2031 წლის ზაფხულამდე აკავშირებს.
