ისტორია დაიწერა - საქართველოს პარაძიუდოს ნაკრები მსოფლიო ჩემპიონია!

თბილისში გამართული პარაძიუდოს მსოფლიო ჩემპიონატი ქართული ტრიუმფით დასრულდა.

ისტორიაში პირველად, საქართველოს პარაძიუდოს ნაკრები გუნდურ ასპარეზობაში მსოფლიო ჩემპიონი გახდა.

ჩვენმა გუნდმა ფინალური დაპირისპირებაში ნეიტრალურ პარასპორტსმენთა გუნდი 4:2 დაამარცხა და მსოფლიო ჩემპიონობა იზეიმა.

საქართველოს ნაკრების შემადგენლობაში რევაზ ჩიკოიძე, გიორგი ქალდანი, ზვიად გოგოჭური, ზურაბ ზურაბიანი, ლევანი გუგავა, და ბაჩუკი შელია ასპარეზობდნენ.

ამასთან პარაძიუდოს მსოფლიო ჩემპიონატზე ინდივიდუალურ ასპარეზობაში ქართველებმა 3 მედალი მოიპოვეს.

მსოფლიო ჩემპიონები ლევან გუგავა (J2, 81 კგ.) და საბა ბაღდავაძე (J1, 81 კგ.) გახდნენ, ვეცხლის მედალი კი რევაზ ჩიკოიძემ (J2, +95 კგ.) დაიმსახურა.