იტალიელები ბენილუქსს ესტუმრებიან - პლეიოფის მეორე სათამაშო დღე

უეფას ჩემპიონთა ლიგის პლეიოფის მეორე სათამაშო დღეს კიდევ 4 მატჩი გაიმართება.

ბრიუგე - ატალანტა (21:45)

ადრე გამოტანილ მატჩში ბრიუგე საკუთარ მოედანზე ატალანტას უმასპინძლებს. ბელგიურმა გუნდმა ლიგის ფაზაში 11 ქულით 24-ე ადგილი დაიკავა და პლეიოფში გამსვლელი ბოლო გუნდი გახდა, ატალანტას კი პირდაპირ 1/8 ფინალში გასვლამდე მხოლოდ 1 ქულა დააკლდა და პლეიოფში მე-9 ადგილით გავიდა.

სავარაუდო შემადგენლობები

ბრიუგე - მინოლე; სეისი; ორდონიესი, მეხელი, დე კუიპერი; ონიედიკაა, იაშარი, ვანაკენი; ტალბი, ცოლისი; ჟუტგლა

ატალანტა - რუი პატრისიო; პოში; ჰიენი, ჯიმსიტი; ბელანოვა, დე როონი, ედერსონი, რუგერი; პაშალიჩი; დე კეტელაერი, რეტეგი

მონაკო - ბენფიკა (23:59)

მომდევნო მატჩში მონაკო ბენფიკას მიიღებს. ამ გუნდებმა ლიგის ფაზაში თანაბარი რაოდენობის, 13 ქულა დააგროვეს და შესაბამისად მე-16 და მე-17 ადგილები დაიკავეს.

სავარაუდო შემადგენლობები

მონაკო - მაიეცკი; ენრიკე, სალისუ, კერერი, ვანდერსონი; ზაქარია, ალ მუსრატი; გოლოვინი, მინამინო, აკლიში; ბირეტი

ბენფიკა - ტრუბინილ კარერასი, ოტამენდი, არაუხო, სილვა; ქიოქჩუ, ფლორენტინო, აურსნესი; შიელდერუპი, პავლიდისი, აქთიურქოღლუ

სელტიკი - ბაიერნი (23:59)

გლაზგოში სელტიკი მიუნხენის ბაიერნს მიიღებს. შოტლანდიელებმა ლიგის ფაზაში 12 ქულით 21-ე ადგილი დაიკავეს, ბაიერნი კი 15 ქულით მე-12 პოზიციაზე გავიდა და ასე გავიდა პლეიოფში.

სავარაუდო შემადგენლობები

სელტიკი - შმეიხელი; ჯონსტონი, კარტერ-ვიკერსი, ტრასტი, ტეილორი; ენგელსი, მაკგრეგორი, ჰატატე; ქუნი, მაედა, ჟოტა

ბაიერნი - ნოიერი; ლაიმერი, უპამეკანო, კიმი, გერეირო; კიმიხი, პავლოვიჩი; ოლისე, მუსიალა, სანე; კეინი

ფეიენოორდი - მილანი (23:59)

საინტერესო მატჩი გაიმართება როტერდამში, სადაც ფეიენოორდი მილანს მიიღებს. ნიდერლანდური გუნდი ლიგის ფაზაში 13 ქულით მე-19 ადგილზე გავიდა, მილანი კი 15 ქულით მე-13 პოზიციას დასჯერდა. საინტერესოა, რომ ზამთრის სატრანსფერო ფანჯრის ბოლო დღეებში როსონერიმ ფეიენოორდიდან გუნდის ლიდერი სანტიაგო ხიმენესი შეიძინა, მექსიკელი თავის ყოფილ გუნდს წასვლიდან მალევე დაუპირისპირდება.

სავარაუდო შემადგენლობები

ფეიენოორდი - ველენროიტერი; რიდი, ბეელენი, ჰჰანცკო, სმალი; მოდერი, ჰვანგი, ტიმბერი; ჰაჯ მუსა, კარანსა, პაიშაო

მილანი - მენიო; უოკერი, ტომორი, პავლოვიჩი, ერნანდესი; პულიშიჩი, ფოფანა, რეინდერსი, რაფაელ ლეაუ; ჟოაო ფელიქსი, ხიმენესი

სპორტის გურუს ჩემპიონთა ლიგა დაემატა