გიორგი ქოჩორაშვილის თამაში მადრიდის რეალთან კითხვის ნიშნის ქვეშაა.
ესპანეთის ლა ლიგის მე-9 ტურის ცენტრალური შეხვედრის წინ, სადაც სევილია სტუმრად სანტიაგო ბერნაბეუზე მადრიდის რეალს დაუპირისპირდება, ანდალუსიური კლუბის ქართველმა ნახევარმცველმა გიორგი ქოჩორაშვილმა ოთხშაბათის გუნდური ვარჯიში გამოტოვა.
როგორც კლუბის პრესსამსახური და გამოცემა MARCA წერს, 27 წლის ფეხბურთელმა მხოლოდ სატრენაჟორო დარბაზში, ინდივიდუალური პროგრამით ივარჯიშა.
საბედნიეროდ, ქოჩორაშვილს რაიმე სერიოზული დაზიანება არ აწუხებს და კლუბში იმედოვნებენ, რომ ის უქმეებამდე მწყობრში ჩადგომას მოასწრებს, თუმცა ნახევარდაცვაში არსებული სხვა საკადრო პრობლემების (ჯონ გურიდის, იკერ მუნიოსის, მარკაოსა და მიგელ სიერის ტრავმების) ფონზე, ეს ფაქტი სევილიასთვის დამატებით შფოთის საბაბს იძლევა.
შეგახსენებთ, რომ სევილიას 8 ტურის შემდეგ 14 ქულა აქვს და მე-5 ადგილს იკავებს, რეალთან მატჩი კი 18 ოქტომბერს გაიმართება.
