იუვენტუსი და ილდიზი ახალ კონტრაქტზე შეთანხმდნენ

ფაბრიციო რომანოს ინფორმაციით, იუვენტუსმა ქენან ილდიზთან და მის გარემოცვასთან ახალ გრძელვადიან კონტრაქტთან დაკავშირებით სიტყვიერ შეთანხმებას მიაღწია.

ახალი ხელშეკრულება, რომლის ხელმოწერასაც ილდიზი დათანხმდა, შემდეგი 4 წლის განმავლობაში იქნება მოქმედი და მისი ანაზღაურება გაიზრდება.

20 წლის თურქი ტურინელთა შემადგენლობაში ერთ-ერთი ყველაზე მაღალანაზღუარებადი მოთამაშე გახდება.

ქენან ილდიზი მიუნხენის ბაიერნის აღზრდილია და 2022 წელს იუვენტუსის მეორე გუნდს სწორედ გერმანული კლუბიდან შეუერთდა.

სერია ა-ს მიმდინარე სეზონში ჩატარებულ 22 მატჩში თურქის ანგარიშზე 8 გოლი და 4 საგოლე გადაცემაა.