ჯგუფის ძალიან მოულოდნელი ლიდერი - რა მდგომარეობაა ცხრილში?

საქართველოს ნაკრებმა 2027 წლის მსოფლიო ჩემპიონატის საკვალიფიკაციო ეტაპზე უმნიშვნელოვანესი მატჩი მოიგო - უშუალო კონკურენტ პორტუგალიას სტუმრად 98:90 აჯობა.

პრინციპში, ჯგუფში ისეთი მდგომარეობაა, ნებისმიერი ნაკრები ერთმანეთის კონკურენტია - მთავარ საკალათბურთო ტურნირზე გასვლის შანსს ექვსივე ინარჩუნებს, საგზური კი მხოლოდ სამია.

1. უკრაინა - 6 მოგება / 2 წაგება - ქულები +60;

2. ესპანეთი - 5 მოგება / 3 წაგება - ქულები +91;

3. საქართველო - 5 მოგება / 3 წაგება - ქულები +23;

4. პორტუგალია - 4 მოგება / 4 წაგება - ქულები +34;

5. საბერძნეთი - 4 მოგება / 4 წაგება - ქულები +21;

6. მონტენეგრო - 4 მოგება / 4 წაგება - ქულები -59.

უკრაინის სახით, ჯგუფს მოულოდნელი, თუმცა დამსახურებული ლიდერი ჰყავს, ესპანეთი საქართველოს ურთიერთშეხვედრებში ქულების უკეთესი ბალანსის გამო უსწრებს, დანარჩენ სამ გუნდს კი 4-4 მოგება და მსოფლიოზე გასვლის რეალური შანსი აქვს.

სათამაშო კიდევ 4 ტურია და საუკეთესო 3 გუნდი მსოფლიო ჩემპიონატის საგზურს ამის შემდეგ მიიღებს - ჩვენი გუნდი ნოემბერში საბერძნეთსა (26 რიცხვში, სტუმრად) და პორტუგალიას (29 რიცხვში, თბილისში) შეხვდება, ხოლო 26 თებერვალს მონტენეგროს ესტუმრება და 1 მარტს საბერძნეთს უმასპინძლებს.

ასეთი საქართველო რა სანახავია?! - როგორ მოვიგეთ უმნიშვნელოვანესი მატჩი პორტუგალიაში