ჯორდან ჰენდერსონი პრემიერ ლიგაში ბრუნდება

The Athletic-ის ჟურნალისტის, დევიდ ორნშტეინის ინფორმაციით, ჯორდან ჰენდერსონი მალე ბრენტფორდთან კონტრაქტს გააფორმებს.

ლივერპულის ყოფილი ნახევარმცველი აიაქსის დატოვების შემდეგ თავისუფალი აგენტია. 35 წლის ინგლისელი ბრენტფორდთან 2-წლიან კონტრაქტს მოაწერს ხელს.

მოთამაშე სამედიცინო შემოწმებას უახლოეს დღეებში გაივლის და ხელშეკრულებას გააფორმებს, ტრანსფერი კი დიოგუ ჟოტასა და მისი ოჯახის პატივისცემის ნიშნად მომდევნო კვირაში გამოცხადდება.

ჰენდერსონი სანდერლენდის აღზრდილია და 2008-11 წლებში შავი კატების მთავარ გუნდში ასპარეზობდა.

2011-23 წლებში ჯორდანი ლივერპულის ღირსებას იცავდა, შემდეგ კი კარიერა ალ-ეტიფაქში გააგრძელა, რომელიც 2024 წელს დატოვა და აიაქსში გადავიდა.

ჰენდერსონს 2010 წლიდან ინგლისის ნაკრებში 84 მატჩი აქვს ჩატარებული და 3 გოლი გატანილი.