ხაბიბ ნურმაგომედოვის თქმით, უმარ ნურმაგომედოვის შემდეგი ბრძოლა ან მერაბ დვალიშვილის ან შონ ო’მალის წინააღმდეგ იქნება.
„ჩვენთვის ძალიან მნიშვნელოვანი იყო, რომ ტოპ ოთხეული ჩამოგვეყალიბებინა: ო’მალი, მერაბი, იანი და უმარი. ძალიან მნიშვნელოვანი იყო მკაფიოდ გვეჩვენებინა, რომ ზემოთ მხოლოდ ოთხი მებრძოლია.
თუ იანი მერაბს დაუპირისპირდება, უმარი შონ ო’მალის შეხვდება. ხოლო თუ იანი შონ ო’მალის ებრძოლება, უმარი მერაბს შეხვდება.“ - განაცხადა ხაბიბმა.
UFC 324-ის თანამთავარ ბრძოლაში შონ ო'მალიმ სონგ იადონგი მსაჯების ერთსულოვანი გადაწყვეტილებით დაამარცხა, პრელიმების ბრძოლაში კი უმარ ნურმაგომედოვმა დეივესონ ფიგეირედოს მოუგო.
რაც შეეხება პიოტრ იანს, მისი თქმით, მან ზურგის ოპერაცია გაიკეთა და ოქტაგონს რამდენიმე თვეში დაუბრუნდება.
მერაბ დვალიშვილის ცნობით, მისი შემდეგი ბრძოლა სწორედ რუს მებრძოლთან ტრილოგია იქნება, თუმცა იანის ტრავმიდან გამომდინარე ჯერ-ჯერობით უცნობია, როდის ვიხილავთ ამ დაპირისპირებას.
"რამდენიმე თვეში დავბრუნდები" - იანმა ოპერაცია გაიკეთა
