კიტეიშვილი ავსტრიის ბუნდესლიგის სეზონის საუკეთესო ბომბარდირი გახდა

ოთარ კიტეიშვილი ავსტრიის ბუნდესლიგის 2025-26 წლების სეზონის საუკეთესო ბომბარდირი გახდა.

შტურმ გრაცის ქართველმა ნახევარმცველმა ჩემპიონატის 29 მატჩში 15 გოლი შეაგდო და რიდის ზამბიელ თავდამსხმელ კინგსტონ მუტანდვას 1 გოლით აჯობა.

30 წლის შუახაზელს 15-დან 7 გოლი პენალტიდან აქვს გატანილი, მის კონკურენტმა მუტანდვამ კი თერთმეტმეტრიანიდან 4 გოლი გაიტანა. 

2009-10 წლების სეზონის შემდეგ, ოთარ კიტეიშვილი პირველი ნახევარმცველია, ვინც ავსტრიის ბუნდესლიგის სეზონის ბომბარდირის წოდება მიიღო - მაშინ ბომბარდირი რაპიდ ვენას ლიდერი სტივენ ჰოფმანი გახდა.

შეგახსენებთ, კიტეიშვილს ბუნდესლიგის ზედიზედ მე-3 გათამაშებაა, სეზონის საუკეთესო ფეხბურთელად ასახელებენ.