VIDEO: სეზონში მე-2 ასისტი - აზაროვმა მარჯვენა მცველად კიდევ ერთხელ ითამაშა

ირაკლი აზაროვმა უკრაინის პრემიერ ლიგის 2025-26 წლების სეზონში მე-2 საგოლე მოქმედება შეასრულა.

ჩემპიონატის 29-ე ტურში, მისმა შახტარ დონეცკმა მე-6 ადგილოსან კრივბასს სტუმრად 3:2 მოუგო, აზაროვმა კი პირველი გოლისას ასისტი მიითვალა - მარჯვენა მცველად კიდევ ერთხელ ითამაშა.

შახტარს მიმდინარე პრემიერ ლიგაში 22 მოგება, 6 ფრე, 1 წაგება აქვს (მე-8 ტურში, შოთა ნონიკაშვილის ლნზ ჩერკასისთან დამარცხდა) და ჩემპიონობა 3 ტურით ადრე გაინაღდეს.

24 წლის აზაროვმა პროფესიონალურ კარიერაში მე-10 ტიტული მოიგო - 3-ჯერ საქართველოს ჩემპიონია (2-ჯერ დინამო ბათუმთან, ერთხელ დინამო თბილისთან ერთად), 2-ჯერ სერბეთის ჩემპიონატი და ერთხელ თასი აქვს მოგებული, ხოლო შახტართან ერთად 2-ჯერ ქვეყნის ჩემპიონი გახდა და 2-ჯერაც სათასო ტიტული მოიპოვა.

დამოუკიდებლობის შემდეგ (1992 წ.), შახტარმა უკრაინის ჩემპიონობა მე-16-ედ მოიპოვა და დინამო კიევს კვლავ 1 ნაბიჯში მიუახლოვდა - დედაქალაქელებს 17 საჩემპიონო ტიტული აქვთ. აღსანიშნავია ისიც, რომ ბოლო 16 სეზონიდან 12 დონეცკელთა ტრიუმფით დასრულდა.