კლასიკოს წინ რაფინიამ თანაგუნდელებს ემოციურად მიმართა

Mundo Deportivo-ს ცნობით, სუპერკოპას ფინალამდე რაფინიამ, რომელიც გუნდის შიგნით ლიდერი და ჰანსი ფლიკისთვის სანდო ხმაა, დე ფაქტო კაპიტნის როლი იკისრა.

თვითმხილველების თქმით, მისმა სიტყვამ მატჩის წინ გუნდზე ძალიან ძლიერი გავლენა მოახდინა.

რაფინიამ გუნდს შეახსენა ბერნაბეუზე გამართული ბოლო ელ კლასიკო, სადაც ბარსელონა დამარცხდა და რეალმა გადაჭარბებულად იზეიმა გამარჯვება, ხოლო მათი ფეხბურთელები არაერთი უპატივცემულო ჟესტით გამოირჩნენ ლამინ იამალის მიმართ.

„ეს ომია,“ - უთხრა რაფინიამ თანაგუნდელებს, მოუწოდა დაეცვათ თავიანთი ღირსება, ეპასუხათ უპატივცემულობაზე და დაემტკიცებინათ, რომ ისინი უკეთესი გუნდი იყვნენ.

მან განსაკუთრებით გაიხსენა მადრიდელთა სათადარიგოთა სკამის ქილიკი, მათი ზედმეტად დემონსტრაციული ზეიმი და დანი კარვახალის პროვოკაცია ლამინის მიმართ მატჩის დასრულებისას.

სუპერკოპას ფინალში ბარსელონამ რეალი 3-2 დაამარცხა და ესპანეთის სუპერ თასს ზედიზედ მეორედ დაეუფლა.