კლოპი ლივერპულის ჩავარდნილ სეზონს აფასებს

ლივერპულის ყოფილმა მწვრთნელმა, იურგენ კლოპმა, გუნდის მიერ არნე სლოტის ხელმძღვანელობით ჩატარებული წარუმატებელი 2025-26 წლების სეზონი შეაჯამა.

სლოტმა სადებიუტო სეზონში პრემიერ ლიგის მოგება შეძლო, თუმცა მეორე წელი სრულიად უტიტულოდ დაასრულა, რასაც მისი გათავისუფლება მოჰყვა. კლოპმა ESPN-თან ინტერვიუში აღნიშნა, რომ მიზეზების შეფასება გარედან უჭირს, თუმცა ფაქტი სახეზეა:

წარმოდგენა არ მაქვს, რა მოხდა. იმაზე ძალიან გამიხარდა, რომ ერთი წლის წინ ჩემპიონები გახდნენ, მაგრამ მომდევნო სეზონში რა აირია, არ ვიცი. აშკარაა, რომ იმ სეზონით არავინ იყო კმაყოფილი, თუმცა ჩემპიონთა ლიგაზე გასვლა მაინც დიდი წარმატებაა

გერმანელმა სპეციალისტმა ხაზი გაუსვა იმ დიდ ემოციურ ტრავმასაც, რომელიც გუნდმა გასულ ზაფხულს დიოგუ ჟოტას ტრაგიკული გარდაცვალების გამო გადაიტანა. კლოპის თქმით, ასეთ მოულოდნელ და მძიმე მოვლენებთან გამკლავება ნებისმიერი კლუბისთვის უდიდესი სირთულეა.

ამავდროულად, კლოპმა მერსისაიდელთა ახლადდანიშნულ მწვრთნელს, ანდონი ირაოლას, რომელიც გუნდში „ბორნმუთიდან“ მივიდა, გაფრთხილებაც მისცა: „ახლა ახალი მწვრთნელი გყავთ. ანდონი ირაოლა, ისევე როგორც არნე სლოტი, შესანიშნავი სპეციალისტია, თუმცა ყველაფერი ერთმანეთს უნდა მოერგოს. იმისთვის, რომ სისტემამ დიდხანს იმუშაოს, იღბალიც გჭირდება“.

ირაოლა გუნდს 2026-27 წლების სეზონისთვის მოამზადებს.