კონფერენს ლიგაზე ტორპედო განუთესავ გუნდებში გადავიდა

ევროტურნირების საკვალიფიკაციო ეტაპის წილისყრასთან დაკავშირებით ქართული გუნდისთვის ცუდი ამბავი მოხდა.

ტორპედო ქუთაისი, რომელიც წესით განთესილი უნდა ყოფილიყო, ახლა კონფერენს ლიგის პირველ საკვალიფიკაციო რაუნდში განუთესავია.

ანდორულმა UE სანტა კოლომამ UEFA-ს ლიცენზია ვერ მიიღო და მის ნაცვლად FK სანტა კოლომა იასპარეზებს, რომელსაც ტორპედოზე უფრო მაღალი კოეფიციენტი აქვს.

ასევე აზერბაიჯანული ტურან თავუზი ევროპული ტურნირებიდან მატჩების გარიგების გამო მოიხსნა, შედეგად, ნეფთჩი კონფერენს ლიგის მეორე საკვალიფიკაციო რაუნდში გადავიდა, ხოლო ზირა პირველ საკვალიფიკაციო რაუნდში ჩაერთვება.

კონფერენს ლიგის პირველი საკვალიფიკაციო ეტაპის წილისყრის წინ განთესილ გუნდებში რჩებიან დილა გორი და დინამო თბილისი.