დავით მხეცაძემ, ჩეხეთში მიმდინარე კრივის 19-წლამდე ევროპის ჩემპიონატზე, 1/2 ფინალის საგზური მოიპოვა. შედეგად, უკვე გადაწყვეტილია, რომ საქართველოს ნაკრები შეჯიბრებაზე 5 მედალს მოიპოვებს.
80 კგ. წონითი კატეგორიის 1/4 ფინალში, ქართველმა მოკრივემ იტალიელი გაბრიელ მორალე დაამარცხა, რითაც მიმდინარე ტურნირზე მინიმუმ ბრინჯაოს მედალი გაინაღდა.
ოსტრავაში 1/4 ფინალური ეტაპი დასრულდა. დაზუსტებულია, რომ ჩვენი ნაკრები შეჯიბრებაზე 5 მედალს გაიფორმებს - მხეცაძის გარდა, ასევე 1/2 ფინალში არიან ელნურ აბდულაევი (75 კგ.), აკაკი ბასარია (70 კგ.), ზუკა ჭოჭუა (65 კგ.) და ლუკა ჩხიკვაძე (60 კგ.).
ხვალ ტურნირზე დასვენების დღეა - 1/2 ფინალური ბრძოლები სამშაბათიდან ჩატარდება.
