რეალისა და გერმანიის ნაკრების ყოფილი ნახევარმცველი ტონი კროოსი უკმაყოფილოა მსოფლიო ჩემპიონატის 48 გუნდამდე გაფართოებით.
„კარგია, რომ მსოფლიო ჩემპიონატზე ბევრ ქვეყანას ეძლევა მონაწილეობის შანსი, მაგრამ მე წინააღმდეგი ვარ, რომ ახლა კიდევ უფრო მეტი ნაკრები თამაშობდეს. ჩვენ უნდა ვიზრუნოთ ფეხბურთელებზე და ტურნირის დონეზე.
ამდენი გუნდის პირობებში ვნახავთ ბევრ მატჩს დიდი სხვაობით მოგებებითა და განადგურებებით, ეს კი არ არის ის თამაშები, რომლის ნახვაც გულშემატკივრებს სურთ. ეს უბრალოდ კიდევ ერთი საკვალიფიკაციო ეტაპი გახდება.
ჩემთვის მნიშვნელოვანია კარგი, ხარისხიანი მატჩები. არ მომწონს თამაშები, რომლებიც 5:0 ან 6:0 სრულდება.
ვიცი, რომ ფეხბურთელები მსოფლიო ჩემპიონატზე ისედაც გადაღლილები ჩამოდიან, ახლა კი მათ ტურნირზე კიდევ უფრო მეტი მატჩის ჩატარება მოუწევთ. დონე ეცემა“, — თქვა კროოსმა რომარიოსთან ინტერვიუში.
