პარი სენ-ჟერმენის ქართველმა შემტევმა, ხვიჩა კვარაცხელიამ France Football-თან პარიზული გუნდის მთავარ მწვრთნელზე, ლუის ენრიკეზე ისაუბრა.
ფეხბურთელმა აღნიშნა, რომ მასთან შესანიშნავი ურთიერთობა აკავშირებს:
ლუის ენრიკესთან ძალიან კარგი ურთიერთობა გვაქვს, ჩვენ ერთმანეთს პატივს ვცემთ. ის ყოველთვის გაუმჯობესებისკენ მიბიძგებს და რჩევებს მაძლევს, რათა პროგრესირება გავაგრძელო. შემიძლია, მას ნებისმიერ თემაზე გავესაუბრო. ენრიკეს გუნდში თამაში ძალიან მარტივია.
მისი მუშაობის სტილი ძალიან მომწონს. სამწვრთნელო შტაბშიც ძალიან კარგი ადამიანები ჰყავს. უბრალოდ, საჭიროა მათი მოსმენა და მითითებების სწორად შესრულება.
მიმდინარე სეზონში 25 წლის ქართველმა ფეხბურთელმა 5 შეხვედრაში 1 გოლი და 1 საგოლე გადაცემა მიითვალა. მან ევროპის სუპერთასზე ასტონ ვილასთან (2:1) გამარჯვების გოლი გაიტანა და პსჟ-ს ტიტული მოუტანა, ხოლო მონაკოსთან (1:2) მატჩში, მიუხედავად გუნდის მარცხისა, ასისტის ავტორი ხვიჩა შეხვედრის საუკეთესო მოთამაშედ დასახელდა.
