ლა ლიგის კლუბმა საბა საზონოვის ტრანსფერი დაადასტურა

ხეტაფემ საქართველოს ეროვნული ნაკრების მცველ საბა საზონოვთან შეთანხმებას მიაღწია.

,,ფეხბურთელი ესპანურ კლუბს შეუერთდა, რათა მომავალი სეზონისთვის პირველი გუნდის დაცვის ხაზი გააძლიეროს.

ცენტრალური მცველის ტრანსფერი ხოსე ბორდალასის გუნდისთვის მნიშვნელოვანი გაძლიერებაა, რადგან ის დაცვას ახალგაზრდობას, ფიზიკურ ძალას და დიდ პოტენციალს შემატებს.

საბა საზონოვმა საფეხბურთო კარიერა სანკტ-პეტერბურგის ზენიტის აკადემიაში დაიწყო, სადაც რუსეთის პრემიერ ლიგაშიც შედგა მისი დებიუტი. მოგვიანებით კარიერა მოსკოვის დინამოში განაგრძო, სადაც პროგრესი აჩვენა და 2023 წელს იტალიურ ტორინოში გადავიდა.

შემდგომში მან სერია A-ში თამაშის გამოცდილებაც მიიღო, როდესაც იჯარის წესით ემპოლიში გამოდიოდა. გარდა ამისა, საზონოვი საქართველოს ეროვნული ნაკრების წევრიცაა.

ხეტაფე საბა საზონოვს გულითადად მიესალმება და უსურვებს წარმატებას კარიერის ამ ახალ ეტაპზე, ჩვენი კლუბის ღირსების დაცვისას.

კეთილი იყოს შენი მობრძანება ახალ სახლში, საბა!" - წერია ესპანური კლუბის განცხადებაში.