იბერია 1999-მა უეფასგან წერილი მიიღო, რომლის მიხედვითაც მზად იყვნენ თამაში ერთი დღით გადაეწიათ, თუ ქართველები მასპინძელ კლუბს ხარჯებს აუნაზღაურებდნენ და მათგან თანხმობას მიიღებდნენ.
Geo Team-ის ცნობით, საქართველოს ჩემპიონმა ჩრდილოეთ ირლანდიის ჩემპიონს წერილით მიმართა და მზად იყვნენ სტადიონის და სასტუმროს შეკრების თანხა მათთვის აენაზღაურებინათ, თუ თამაშს გადაუწევდნენ.
მასპინძელმა მხარემ აღნიშნულ შეთავაზებაზე უარი თქვა და შესაბამისად მატჩი დღეს გაიმართება.
ევროპა ლიგის მე-3 საკვალიფიკაციო ეტაპის პირველი მატჩი ლარნესა და იბერია 1999-ს შორის საქართველოს დროით 23:00 საათზე დაიწყება.
შეგახსნებთ, რომ ქართული კლუბის წევრები სავიზო პრობლემების გამო ჩრდილოეთ ირლანდიაში დაგვიანებით ჩავიდნენ, რის გამოც მატჩის გადადებას ითხოვდნენ.
რომელ არხზე ვნახავთ იბერიას მატჩის პირდაპირ რეპორტაჟს?
