ლა ლიგის პრეზიდენტი ხავიერ ტებასი იმ ადამიანთა რიგებს შეუერთდა, ვინც ჟოზე მოურინიოს მადრიდის რეალში შესაძლო დაბრუნებას მიესალმება.
პორტუგალიელი სპეციალისტი, რომელიც ამჟამად ბენფიკას წვრთნის, ესპანური მედიის ცნობით, ფლორენტინო პერესის მთავარი სამიზნეა.
დაბრუნება სამეფო კლუბში? მოურინიომ რეალთან დაკავშირებით დუმილი დაარღვია
ტებასის მხარდაჭერა
ლა ლიგის პრეზიდენტისთვის მოურინიოს დაბრუნება ესპანეთის ჩემპიონატის პოპულარობის ზრდის გარანტია. ტებასმა აღნიშნა:
თუ ეს იქნება რეალის ხელმძღვანელობის გადაწყვეტილება, ეს კარგი იქნება თავად კლუბისთვის. მოურინიო ყოველთვის არის სანახაობა, შოუ, რაც ლა ლიგისთვის მხოლოდ დადებითია
პერესის გეგმები
მადრიდელები სეზონის უტიტულოდ დასრულებასთან ახლოს არიან. იანვარში დანიშნული ალვარო არბელოა, სავარაუდოდ, თანამდებობას სეზონის ბოლოს დატოვებს. პერესი მოურინიოს კლუბის სტაბილიზაციის მთავარ ფიგურად მიიჩნევს, რადგან მათ შორის დღემდე შენარჩუნებულია შესანიშნავი ურთიერთობა.
მოურინიოს პოზიცია
მიუხედავად ხმებისა, თავად მოურინიო ფოკუსირებულია ლისაბონზე. მისი კონტრაქტი ბენფიკასთან 2027 წლამდეა გათვლილი, თუმცა ხელშეკრულებაში არის სპეციალური პუნქტი, რომელიც მხარეებს სეზონის ბოლოს თანამშრომლობის შეწყვეტის უფლებას აძლევს.
2010-2013 წლებში მოურინიომ რეალს ისტორიული 100-ქულიანი ლა ლიგის ტიტული მოაპოვებინა და ბარსელონას დომინაცია დაამსხვრია. ახლა მადრიდი კვლავ მის გამოცდილებას საჭიროებს, თუმცა პორტუგალიელი თავის გადაწყვეტილებაში ჯერჯერობით მტკიცეა.
