ჟოან ლაპორტამ რობერტ ლევანდოვსკიზე ისაუბრა.
ბარსელონას ფორვარდმა ლა ლიგის საწყის ოთხ ტურში ოთხი გოლი გაიტანა.
„ვხედავ, რომ რობერტი იმაზე მეტად არის მოტივირებული, ვიდრე ოდესმე. ლევანდოვსკის ახალი იმპულსი სჭირდებოდა, ფიზიკურად ის ძალიან კარგ ფორმაშია.
აშკარაა, რომ ახლა ის ამაღლებულ განწყობაზე იმყოფება. ეს ფეხბურთელი კლუბის ერთგულია, გარწმუნებთ ამაში.
როცა მან ფინანსური ფეირ-პლეის სიტუაციის შესახებ გაიგო, თავისი კონტრაქტის გადახედვა შემოგვთავაზა. ამას ძალიან ვაფასებ, მაგრამ ვუთხარი, რომ არ გვაქვს ამის საჭიროება.
რობერტი კლუბისთვის თავდადებულია და ამავდროულად გუნდის მიმართ ძალიან მომთხოვნი, ის თავად კარგ თამაშს აჩვენებს და დარწმუნებული ვარ, რომ წინ საუკეთესო სეზონი ელის." - აღნიშნა ბარსელონას პრეზიდენტმა.
