არგენტინის ნაკრების ყოფილმა თავდამსხმელმა, მარტინ პალერმომ ამჟამად ევროპაში თავისთვის საუკეთესო ფორვარდი დაასახელა.
"ჩემი აზრით, ამ მომენტში ევროპაში საუკეთესო თავდამსხმელი ლაუტარო მარტინესია. ძლიერია, გოლები გააქვს და მუდმივად გოლის გასატანად არის მომართული.
ამის გარდა, სიღრმეში კარგად ჩამოდის, ბევრს მოძრაობს, ბურთს ფლანგებისკენ ანაწილებს და საჯარიმოში შერბის. ამ ყველაფერს სრულიად ბუნებრივად, უხერხულობის გარეშე აკეთებს", - ამბობს პალერმო.
ლაუტარო მარტინესი სერია A-ს 2023-24 წლების სეზონის ბომბარდირია და წლევანდელ სეზონშიც ამ ჯილდოს მოგების მთავარი ფავორიტია - 14 გოლი აქვს და უახლოეს გოლეადორებს 6 ბურთით უსწრებს.
