ლეჩეს გადარჩენის იმედი - დრამატული ფრე ფიორენტინასთან

ლეჩემ ფიორენტინასთან უმნიშვნელოვანესი ქულა მოიპოვა, რითიც სერია B-ში გავარდნისგან თავის დაღწევის მცირე იმედი შეინარჩუნა.

ამ შედეგით ფიორენტინამ გასავარდნ ზონასთან 8-ქულიანი დისტანცია შეინარჩუნა ჩემპიონატის დასრულებამდე 5 ტურით ადრე.

პირველ ტაიმში ფიორენტინა 30-ე წუთზე ჯეკ ჰარისონმა დააწინაურა, რომელმაც საუცხოო დარტყმით კარიერაში წლიური უგოლო სერია დაასრულა. კლუბს ანგარიშის გაორმაგებაც შეეძლო, თუმცა რობერტო პიკოლიმ ხელსაყრელი შანსი ვერ გამოიყენა.

მეორე ტაიმიში ლეჩე მთელი ტაიმის განმავლობაში აქტიურობდა. დავიდ დე ხეამ რამდენიმე რთული ბურთი მოიგერია და 71-ე წუთზე ტიაგო გაბრიელმა კუთხურის შემდეგ თავური დარტყმით წონასწორობა აღადგინა.

მატჩის მიწურულს ლეჩეს მოგებაც შეეძლო, მაგრამ პიეროტიმ ექვსი მეტრიდან ბურთი კარს გადააცილა. ლეჩესთვის მთავარ პრობლემად კვლავ მომენტების რეალიზაცია რჩება, რამაც მათ სამი ქულის მოპოვებაში ხელი შეუშალა.