ევროპა ლიგის ფინალში ატალანტამ აქამდე ამ სეზონში უძლეველი ლევერკუზენის ბაიერი გაანადგურა.
შეხვედრა დუბლინში გაიმართა და ბერგამოული კლუბის გამარჯვებით 3:0 დასრულდა.
სამივე გოლი ნიგერიელმა შემტევმა ადემოლა ლუკმანმა გაიტანა, ორი პირველ ტაიმში, მესამე კი - მეორეში.
ჯანპიერო გასპერინიმ ჩაბი ალონსოს სამწვრთნელო დუელი აშკარად აჯობა, ლევერკუზენმა თამაშში ვერცერთი რეალური საგოლე მომენტის შექმნა ვერ მოახერხა და ამ სეზონში პირველად დამარცხდა.
ატალანტამ თავის ისტორიაში პირველი ევროტურნირის მოგება მოახერხა, ლევერკუზენის წაუგებელი სერია კი 51 მატჩზე შეწყდა.
