ფრანგული ლიგა 1-ს ბოლოსწინა ტურში ლიონი სტუმრად მონაკოსთან 0:2 დამარცხდა.
გიორგი მიქაუტაძემ მატჩი სათადარიგო სკამზე დაიწყო და შეხვედრაში იმ დროს ჩაერთო, როცა მისი გუნდი უკვე ორი ბურთით აგებდა. შესაბამისად, ქართველმა თამაშში მნიშვნელოვანი ცვლილებების შეტანა ვეღარ მოასწრო, რადგან მოედანზე დაახლოებით 15 წუთამდე დაჰყო.
33 ტურის შემდეგ ლიონი 54 ქულით მე-7 ადგილს იკავებს და ევროტურნირებზე მოხვედრის მიზერულ შანსებს ინარჩუნებს. ბოლო ტურში გუნდმა ანჟეს უნდა მოუგოს და იმედი ჰქონდეს, რომ სტრასბურგი თავისსავე მოედანზე ლე ავრთან დამარცხდება. ასეთ შემთხვევაში გუნდი კონფერენც ლიგის საკვალიფიკაციო ეტაპზე შეძლებს გასვლას.
თუ ეს არ მოხდა, ლიონი ჩემპიონატს მე-7 ადგილზე დაასრულებს და მომდევნო სეზონში ევროტურნირებს მიღმა დარჩება.
