ლიონს ენდრიკის უთამაშებლობა ჯარიმის ფასად დაუჯდება

ცნობილი გახდა ენდრიკის ლიონში მოახლოვებული გადასვლის დეტალები.

გავრცელებული ინფორმაციით, ბრაზილიელი ფორვარდი ლიონს იანვარში სეზონის ბოლომდე იჯარით შეუერთდება. 

The Athletic-ის ინფორმაციით, ენდრიკის ხელფასის გარკვეულ ნაწილს რეალი დაფარავს და შეთანხმებაში ჩაიდება პუნქტი, რომლის შემთხვევაშიც, ლიონი ვალდებული იქნება რეალს ფულადი ჯარიმა გადაუხადოს, თუ ენდრიკი სასტარტო შემადგენლობიდან განსაზღვრული რაოდენობის მატჩს არ დაიწყებს.

ამ სეზონში ენდრიკმა რეალის მაისურით მხოლოდ ერთი მატჩი ჩაატარა, როცა ვალენსიასთან 4:0 მოგებულ შეხვედრაში მოედანზე 79-ე წუთზე გამოჩნდა.

იწერება, რომ ბრაზილიელის გარემოცვა საფრანგეთში უკვე ბინას ეძებს, კლუბებს შორის შეთანხმება კი დეკემბერში გაფორმდება.