ლივერპული ტრენტ ალექსანდრ არნოლდს დროზე ადრე უფასოდ არ გაუშვებს.
როგორც იცით, ინგლისელმა სეზონის ბოლოს კლუბიდან წასვლა ოფიციალურად დაადასტურა. 30 ივნისს მისი კონტრაქტი ლივერპულთან ამოიწურება, 1 ივლისიდან კი ის რეალის ფეხბურთელი გახდება.
თუმცა, იმისთვის, რომ მსოფლიო საკლუბო ჩემპიონატზე ითამაშოს, რეალს სჭირდება, რომ ლივერპულმა ფეხბურთელთან კონტრაქტი დროზე ადრე გაწყვიტოს, რადგან ტურნირი 14 ივნისს იწყება.
Marca-ს ცნობით, ლივერპულმა რეალს ტრენტის კონტრაქტის გაწყვეტის თხოვნაზე უარი უთხრა და ამის სანაცვლოდ გარკვეული თანხის მიღება სურს.
უახლოეს პერიოდში მხარეებს შორის დამატებითი მოლაპარაკებები უნდა გაიმართოს, რადგან რეალის მომავალ მწვრთნელს, ჩაბი ალონსოს, მსოფლიო საკლუბო ჩემპიონატზე ტრენტის ხილვა ძალიან სურს.
