ლივერპულს მთავარი მწვრთნელის პოსტზე ჩაბი ალონსოს დანიშვნის შესაძლებლობა არ განუხილავს.
მერსისაიდელებმა ორი დღის წინ არნე სლოტი გაათავისუფლეს, ხოლო ალონსომ რამდენიმე კვირით ადრე ჩელსი ჩაიბარა.
„გამოითქვა ვარაუდები, რომ სლოტის გათავისუფლების დაგვიანებამ ლივერპულს ჩაბი ალონსოს ხელში ჩაგდების შესაძლებლობა დაუკარგა.
თუმცა, სინამდვილეში, მაიკლ ედვარდსი და რიჩარდ ჰიუზი ჩელსის ახალ მწვრთნელს სერიოზულ კანდიდატად არ განიხილავდნენ“, — ნათქვამია The Athletic-ის სტატიაში.
გავრცელებული ინფორმაციით, ლივერპულში დანიშვნის მთავარი ფავორიტი ბორნმუთის ყოფილი მწვრთნელი, ანდონი ირაოლაა.
