ლოპოტა სპა რეზორტზე ქალთა საერთაშორისო საჩოგბურთო ტურნირი დასრულდა

ლოპოტა სპა რეზორტზე, ქალთა W75 კატეგორიის საერთაშორისო ტურნირი LOPOTA TENNIS OPEN-ი დასრულდა.

გათამაშებაში 4 ქართველი ჩოგბურთელი მონაწილეობდა - ნიტა სხილაძე, თინათინ მთვარელიშვილი, ზოზია ქარდავა და ეკო გორგოძე. პირველი 3 მათგანი პირველსავე ეტაპზე დამარცხდა, გორგოძემ კი 1 შეხვედრა მოიგო და ასპარეზობას 1/8 ფინალიდან გამოეთიშა.

ტურნირის ჩემპიონი რუ...თის სახელით მოასპარეზე ალექსანდრა შუბლაძე გახდა - ფინალურ მატჩში ამერიკელ ვივიან ვოლფს 6:3; 6:1 მოუგო. შუბლაძემ კარიერაში მე-10 ტიტული მოიგო, რომელთაგანაც W75 კატეგორიის გათამაშება ყველაზე მაღალი რანგისაა.

ლოპოტას ტურნირი, რომლის დირექტორი მაკა ჩახნაშვილი გახლავთ, აქამდე საქართველოში გამართული ყველაზე მაღალი რანგის საჩოგბურთო შეჯიბრებაა. საპრიზო ფონდი 60 000 აშშ დოლარი იყო.