ლუჩიანო სპალეტიმ პრესკონფერენციაზე დაადასტურა, რომ იტალიის ფეხბურთის ფედერაციის პრეზიდენტმა, გაბრიელე გრავინამ ის ნაკრების მთავარი მწვრთნელის პოსტიდან გაათავისუფლა.
სპალეტი მოლდოვასთან მატჩში სკუადრა აძურას ბოლოჯერ უთავკაცებს, შემდეგ კი იტალიელებს ახალი მწვრთნელის მოძებნა მოუწევთ.
"გუშინ პრეზიდენტ გრავინას ვესაუბრე და შემატყობინა, რომ მწვრთნელის პოსტიდან გამათავისუფლა, მე დანებების სურვილი არ მქონდა." - განაცხადა 66 წლის სპეციალისტმა.
სპალეტი იტალიის ნაკრებში 2023 წელს დაინიშნა და გუნდი 23 შეხვედრაში გაწვრთნა, საიდანაც მხოლოდ 11 მათგანი მოიგო. ეს კი ჩეზარე პრანდეის შემდეგ ყველაზე ცუდი შედეგი იყო.
ევრო 2024-ზე იტალია ტურნირს 1/8 ფინალში შვეიცარიის ნაკრებთან მარცხით გამოეთიშა, ჯგუფურ ეტაპზე კი მხოლოდ ერთი მატჩის მოგება მოახერხა.
2026 წლის მსოფლიო ჩემპიონატის შესარჩევი ეტაპის პირველ შეხვედრაში სკუადრა აძურა ოსლოში ნორვეგიასთან 3-0 განადგურდა.
