შვეიცარიაში მიმდინარე ქალთა ევროპის ჩემპიონატზე ნახევარფინალური წყვილები გაირკვა.
ოთხიდან ორ მეოთხედფინალურ მატჩში საქმე პენალტების სერიამდე მივიდა.
იტალიამ ნორვეგიას ძირითად დროში 2-1 მოუგო, ესპანეთმა კი მასპინძელი შვეიცარია დამაჯერებლად დაამარცხა 2-0.
პირველი პენალტების სერია ინგლისსა და შვედეთს შორის გაიმართა, რომელიც ინგლისელთა გამარჯვებით დასრულდა.
ბოლო ნახევარფინალისტი კი საფრანგეთმა და გერმანიამ გაარკვიეს ერთმანეთში. მე-13 წუთიდან კაცნაკლულმა გერმანელებმა მოახერხეს და საქმე პენალტების სერიამდე მიიყვანეს, სადაც გაიმარჯვეს კიდეც.
1/2 ფინალი
ინგლისი - იტალია (22 ივლისი, 23:00)
გერმანია - ესპანეთი (23 ივლისი, 23:00)
ტურნირის ფინალი 27 ივლისს გაიმართება.
გათამაშების ბომბარდირი 4 გოლით ესპანელი ესტერ გონსალეს როდრიგესია.
